Familia-etxebizitza erabiltzeko eskubidearen esleipena ezkontzaren edo izatezko bikotearen krisi-egoeretan

Abstract

Gurasoen banantze edo haustura gertatzen denean, ezinbestekoa da familia-etxebizitzaren erabilera-eskubidea noren alde eta nola esleituko den erabakitzea, halakorik izatekotan. Baina ezinezkoa da esleipen hura egiteko jarraitu behar diren irizpideak jorratzea, aldez aurretik azaldu gabe familia etxebizitza kontzeptuari aipamena egiten zaionean, zehazki, zeri buruz hitz egiten den. Izan ere, etxebizitza oro, inolako baldintza edo ezaugarri berezirik betetzen ez dituena, ezin da modalitate horretako etxebizitza bat kontsideratu.